ألملم مابقالي .. من أحاسيس .. وأجي مكسور !
وحيد .. ولا على بالي سوى .. " إنسان" .. ناسيني !

وأطيح ! وتنفتح من باب هالظلما / طيوف النور !!
وأناديني . . " أنا ويني " . . ويرجع لي الصدى " ويني " !؟

ثلاث سنين من عتمة " ظلامك " .. ياضيا الديجور !
يموتك حلم ! وتموتك ... سحايب من ورى ... عيني !

وأجي فيني ثلاث / اربع أغاني صاغها عصفور !!
نثرها للغمام .. اللي تهجّآ رحلته ............. فيني !

وأتمتم " هي هنا كانت " وينبت للحنين ... شعور !
وأتمتم " ليت ماكانت " .... وأضيع !... ولا ألاقيني

وأدورني ورى جرحي ! وتنبت في حشاي قبور !
وأكفن " عورة " همومي .. وأدور منهو يرثيني !

هِنا كان المسا بارد / حزين / ومكتئب / مقهور !
هِنا وإلا هِنا وإلا هنيّا ........ صرت ... ما أبيني !

أنا ماطحت من عين " المواجع " يوم أنا مكسور !
أنا من كثر مافيني " مواجع " طحت من عيني !!!!
.
.